دوکتور لطیف حسنی- نین ایل بایرامی موناسبتینه تبریک بیلدیریسی

سئوگیلی آذربایجان تورک ملّتی!

بیر ایل کئچدی! قیشین سرت سویوق گونلری سونا چاتدی! طبیعتین شن دؤورانی، یعنی یاز فصلینین باشلانقیجینداییق! بو، طرواتلی و شانلی بـیر گونون، یـئنی بـیر فصلین و یـئنی بـیرتاریخین باشلاماسینا بیر علامت اولا بیلر.

اوزون ایل‌لردیر ﺍﻭُﻟﻮ آذربایجان تورک ملّتی، ﻫﺮ ﺍﯾﻞ یئنی گون ( ﯾﺎﺯ)  ﺑﺎﯾﺮﺍﻣﯿنی، ﺍﺅﻟﮑﻪ ﺩﻩ اقتداردا اولان غیر دئموکراتیک ﺣﺎﮐﻤﯿﺖ‌ﻟﺮﯾﻦ ﺍﺳﺎﺭﺗﯽ آﻟﺘﯿﻨﺪﺍ کئچیریر. بو مرتجع حاکمیتلر یوز ایلدن بری،  اولوسلار آراسی ﺗﺸﮑﯿﻼﺗﻼﺭ ﻗﺎﺭﺷﯿ‌‌‌ﺴﯿﻨﺪﺍ اؤز ﻋﻬﺪﻩ ﻟﺮینه ﮔﺆﺗﻮﺭدوکلری وظیفه لردن آچیقجاسینا ﺑﻮﯾﻮﻥ ﻗﺎﭼﯿﺮﺍﺭﺍﻕ، اؤز ﺷﻮﻭﻧﯿﺴتی حاکمیتلرینی سوردوروب و ﺳﻮﺭﺩﻭﺭﻣﮑﺪﻩ ﺩﯾﺮلر.

تاریخین شهادتی اساسیندا شرفلی ملّتیمیز ﯾﻮﺯ ﺍﯾﻞدیر بو اسارت علیهینه یورلمادان مبارزه ائدیر

ملّتیمیز ﯾﻮﺯ ﺍﯾﻞدیر؛ ﺩﯾﻠﯿﻤﯿﺰﯼ، ﮐﻮﻟﺘﻮﺭﻭﻣﻮﺯﻭ  ﯾﺎﺳﺎﻗﻼﯾﺎﻥ، ملی ثروتلریمیزی چاپیب ﺗﺎﻻﯾﺎﻥ ﺣﺎﮐﻤﯿﺖ لره قارشی سارسیلمادان مبارزه آپاریب و اؤز مقدراتینی اؤز الی ایله تعیین ائتمه یه همیشه جهد ائتمیشدیر.

اینانیریق، یئنی ایلده ده اویقار (متمدن) ملّتمیز، ملّی آزادلیق اوغروندا ﺗﻮﺗﺪﻭﻏﻮ ﯾﻮﻟدا، ﺑﻮﺗﻮﻥ ملّی- دئموکراتیک حاقلارﯾﻨﯽ ﺍﻟﺪﻩ ائده نه قدر، اؤز مدنی و دئموکراتیک مبارزه سینه داها دا چالیشقانلیق‌لا داوام ائتدیرجکدیر. شبهه سیز بو گون، هر زاماندان داها آرتیق، آذربایجانین جسور و مُدریک فعاللاری نه اینکی اؤزلری اورتاق سیمگه آلتیندا بیرلشجک لر، بلکه باشقا ملّـتلرین دئموکرات قوه لری ایله ده ال- اله وئره جکلر.

ﯾﺌﻨﯽ ﮔﻮﻧﺌﯽ ﺁﺫﺭﺑﺎﯾﺠﺎﻥ ﻣﻠّﯽ ﺍﻭﯾﺎﻧﯿﺶ ﺣﺮﮐﺎﺗﯽ‌ آدیندان آرزو ائدیریک 1394-جو ایل، اؤز مقدراتینی اؤز الی ایله تعیین ائتمه ده، آذربایجان ﺗﻮﺭﮎ ملّتی اوچون اوغورلو بیر ایل اولسون!

آرزو ائدیریک بو ایل مظلوم ملّتیمیز اوچون سعادت، خیر، برکت و آزادلیق ایلی اولسون!

هابئله آرزو ائدیریک بو یئنی ایل، اؤلکه ده و بؤلگه ده  یاشایان ملت لر اوچون آزادلیق، باریش و ریفاه ایلی اولسون!

 

ﻟﻄﯿﻒ ﺣﺴﻨﯽ

یئنی گاموح تشکیلاتی نین ﺑﺎﺷﻘﺎﻧﯽ

)ﯾﺌﻨﯽ ﮔﻮﻧﺌﯽ ﺁﺫﺭﺑﺎﯾﺠﺎﻥ ﻣﻠّﯽ ﺍﻭﯾﺎﻧﯿﺶ ﺣﺮﮐﺎﺗﯽ‌ﻧﯿﻦ باشقانی(

کرج شهری - ﺭﺟﺎﯾﯽ ﺷﻬﺮ ﺗﻮﺭﻣﻪ ﺳﯽ(زیندانی(

 ﺍﺳﻔﻨﺪ ﺁﯾﯽنین سون گونو- 1393

سایت http://yenigamoh.com ارگان رسمی تشکیلات "یئنی گاموح" (جنبش نو بیداری ملی آذربایجان جنوبی) می باشد. نشر مطالب این سایت با ذکر منبع بلامانع است.

جهت ارتباط سریع با ما، می توانید با آدرس زیر تماس بگیرید. info@yenigamoh.com