شما اینجا هستید: Home بخش های اصلی بیــانیــه یئنی گاموح ون، اورمو گؤلو قییام‌لاری ایله باغلی بیاناتی

یئنی گاموح ون، اورمو گؤلو قییام‌لاری ایله باغلی بیاناتی

شرفلی آذربایجان تورک میللتی،

کئچن هفته‌دن پلانلاندیغی کیمی، بو گون آوقوست آیی‌نین 27، شهریورین 5-ی، آزربایجانین شرف‌لی اوغلان-قیزلاری بیر داها تاریخه درس وئردی‌لر.
تاریخ بویو ظلم قارشی‌سیندا سوسمایان میللتیمیز بیر داها اؤز شعورونو دونیایا نوماییش ائتدی. چاغداش دونیانین باش‌لیجا دیرلرین‌دن اولان، چئوره ساغلام‌لیغی اوچون تبریز و اورمیادا 10 مین‌لر اینسانیمیز، بیر اورک-بیر سس اولا‌راق شووینیزمین چیرکین سیاست‌لرینی مهکوم ائده‌رک، خیابان‌لارا تؤکولدولر. فارس دؤولتی‌نین پلیسی تظاهوراتچی‌لاری داغیتماق اوچون اونلارا هوجوم ائده‌رک، گؤزیاشاردیجی گاز و هابئله پلاستیکی گولله‌لرله، میللتیمیزی هدف آلدی. شووینیزمین گولله‌سی قارشی‌سیندا سینه گرن میللتیمیز،آذربایجانیمیزینخیابانلاریندان‌ اورمو گؤلونه بیر مئساژ وئردی: “ سنی، سو ایله قویماسا‌لار دا، قانیمیزلا دولدوراجاییق.” ایران ایرقچی رئژیمی، میللتیمیز قارشی‌سیندا بیر داها زوراکی‌لیق، توفنگ و قددارلیغا ال آتا‌راق، بونو ثبوت ائتدی کی، آذربایجان میللی-سیاسی حاق‌لارینی الده ائتمک اوچون یالنیز اؤز میللی ایراده‌سینه دایانما‌لی‌دیر. یئنی گونئی آذربایجان میللی حرکاتی (یئنی گاموح) آدینا، ایران رئژیمی‌نین میللتیمیزه قارشی زوراکی‌لیق و قددارلیغینی قینایا‌راق، بیل‌دیریریک کی اورمو گؤلونون نجاتینا قدر، آذربایجان میللتی اؤز اعتراضلارینا دوام ائده‌جک‌دیر. میللتیمیزه بوگونکو تاریخی حماسه نی تبریک ائده‌رک، باشقا شهرلریمیزی ده بو اعتراضلارا قاتیلماغا چاغیریریق. اعتراضلارین پلانی (نئجه‌لیگی، یئری و زامانی) میللی فعال‌لار طرفین‌دن چئشیت‌لی یول‌لارلا میللتیمیزه چات‌دیریلا‌جاق‌دیر.

 

(یئنی گونئی آذربایجان میللی اویانیش حرکاتی (یئنی گاموح

تبریز- 5 شهریور- 27 آوقوست

 

 

سایت http://yenigamoh.com ارگان رسمی تشکیلات "یئنی گاموح" (جنبش نو بیداری ملی آذربایجان جنوبی) می باشد. نشر مطالب این سایت با ذکر منبع بلامانع است.

جهت ارتباط سریع با ما، می توانید با آدرس زیر تماس بگیرید. info@yenigamoh.com